KULTUUR KOMPETISIES
Inligting oor Nukleus Kultuur kompetisies
Klik op die toepaslike kwartaal vir meer inligting.
Kreatiewe Skryf Kompetisie
2025 Skryf Kompetisie wenners!
Graad 4 - 6
1ste – Michelle Brooks
2de – Joame du Toit
3de – Dawid Nortje
4de – Jonan Saunders
5de – Elrisa Mellet
Graad 7 - 9
1ste – Juzaan Knoetze
2de – Kaylin Middel
3de – Klara Nortje
4de – Karla Snyman
5de – Annabel Nieuwoudt
Graad 10 - 12
1ste – Kay-Lee Nel
2de – Melienke Vermaak
3de – Gert Smit
4de – Niquita Murphy
5de – Reinike Pretorius
Welkom by die Skryf Jou Eie Storie kompetisie vir Graad 4-12!
Hierdie is ‘n uitnodiging vir ons talentvolle jong skrywers om hul kreatiewe stemme te laat hoor en hul unieke stories met ons te deel. Ons nooi al ons Graad 4-12 leerders uit om deel te neem aan hierdie opwindende skryfuitdaging. Laat jou woorde vloei en wys hoe jy ‘n storie tot ‘n onvergeetlike einde kan bring!
Kompetisiereëls in ‘n Neutedop:
Tema:
Elke fase ontvang ‘n voorgeskrewe paragraaf/paragrawe. Jou taak is om na aanleiding daarvan jou eie storie/verhalende opstel te skryf.
Paragrawe:
Gr. 4 - 6
Lize stap stadig saam met haar hond, Spikkel, langs die rivier af. Die oggend is stil, en die lug voel vars teen haar wange terwyl die son liggies oor die bome loer. Spikkel se stert waai heen en weer van opgewondenheid, en hy snuffel aan elke bos en klip asof daar iets besonders weggesteek is. Skielik staan hy doodstil en spits sy ore, sy neus in die lug asof hy iets gevind het. Lize voel ‘n opgewonde rilling van kop tot toon terwyl sy nadink oor wat dit kon wees. “Wat ruik jy, Spikkel?” fluister sy met ’n glimlag. Maar voor sy nog ‘n tree kan gee, skiet Spikkel vorentoe en verdwyn tussen die bome. Lize hardloop agterna, haar hart kloppend van nuuskierigheid en avontuurlus. Waarheen sou Spikkel haar neem? Wat lê vir hulle en wag tussen die skadu’s?
Gr. 7 - 9
Tiaan se hande is klam waar hy sy rugsak vasgeklem het. Hy sit in sy sitplek, kyk uit die klein, ronde venster na die lughawe wat wemel van aktiwiteit – mense wat haastig stap, tasse wat gerol word, en voertuie wat blinkend oor die teerpad beweeg. Dit voel vreemd om self in een van hierdie vliegtuie te wees, nie net as ‘n kyker op die grond nie. Sy maag draai in ’n mengsel van senuweeagtigheid en opwinding, en sy gedagtes hardloop wild. Wat as hy iets verkeerd doen? Wat as iets onverwags gebeur? Die lugwaardin se stem trek sy aandag terug na die oomblik, maar hy hoor skaars haar instruksies oor nooduitgange en veiligheidsgordels. Hy kan nie ophou wonder oor wat hom wag as hulle eers opstyg nie. Sou hy die wolke kan aanraak? Sou hierdie reis dalk anders uitdraai as wat hy verwag? Hy kyk weer by die venster uit, en die ligte van die lughawe begin al hoe verder agter hom voel, al sit hy nog steeds op die grond. Iets voel aan die kom – iets wat hy nooit sou kon voorsien nie.
Gr. 10 - 12
Die laaste sonstrale sak stadig oor die horison, en ‘n goue gloed trek oor die onbewoonde strand waar die groep vriende ineengesak sit. Hulle klere plak nog nat teen hul lywe, die sout brand in die krapmerke op hul arms en bene, en ‘n vreemde, swaar stilte hang in die lug. ‘n Paar uur gelede was hulle nog op ‘n avontuurlike bootrit, laggend en geselsend, maar nou sit hulle gestrand op ‘n eiland waarvan hulle die naam nie eens ken nie.
Jaco, die een wat altyd kalm bly in ‘n krisis, breek uiteindelik die stilte. “Ons moet ‘n plan maak vir vanaand,” sê hy met ‘n stem wat laag en doelgerig klink, al is dit effens rou van die angs wat hy probeer wegsteek.
Skryflengte:
- Graad 4-6: Skryf 120-150 woorde.
- Graad 7-9: Skryf 300-350 woorde.
- Graad 10-12: Skryf 400-450 woorde.
Indieningsdatums:
- Inskrywings maak oop: 1 Februarie 2025
- Inskrywings sluit: 20 Februarie 2025
Laat inskrywings sal nie oorweeg word nie.
Inskrywingsprosedure:
- Aanlyn – jou skryfstuk moet aanlyn saam met jou inskrywing ingedien word.
Beoordeling:
Ons paneel van literêre kenners sal elke storie beoordeel op kreatiwiteit, taalgebruik, en hoe goed jou storie die tema interpreteer. Hou ook jul spelling dop!
Bekendmaking van Wenners:
Die top 3 skryfstukke in elke fase sal pryse ontvang – wenners sal op 10 Maart aangekondig word.
Laat jou verbeelding vryloop en skryf ’n verrassende slot wat lesers sal laat wonder, glimlag, of selfs huil. Ons sien uit daarna om jou talentvolle skryfwerk te lees!
LW: Net geregistreerde Nukleus Leerders mag hieraan deelneem.
Skryf Kompetisie
Hierdie Kompetisie het reeds gesluit.
Skryf Kompetisie
Vul hierdie vorm in om deel te neem aan ons skryf kompetisie.
Neem Deel aan die Nukleus Onderwys 2025 Gedig Voordrag!
Elke jaar bied Nukleus Onderwys met trots ons jaarlikse Gedig Voordrag aan – ‘n wonderlike geleentheid vir leerders om hulself kreatief uit te druk en selfvertroue te bou! Hierdie jaar vind die voordrag aanlyn plaas via Zoom op 10 Mei. Dit is die perfekte kans om jou voordragvaardighede te slyp en jou liefde vir poësie te deel.
Belangrike Datums:
- Inskrywings open: 8 April 2025
- Inskrywings sluit: 25 April 2025
- Voordrag op Zoom: 10 Mei 2025
Hoe werk dit? Leerders ontvang ‘n lys van voorgeskrewe gedigte vir hul graad en kies dan een om voor te dra. ’n Skedule sal betyds uitgestuur word sodat leerders weet hoe laat hul graad begin.
Belangrike Dinge om te Onthou:
- Leerders moet 30 minute voor hul geskeduleerde tyd inskakel vir ingeval die skedule vinniger beweeg.
- Kameras moet aangeskakel wees, sodat beoordelaars jou duidelik kan sien.
- Mikrofone moet gedemp wees, behalwe wanneer dit jou beurt is om voor te dra.
- Leerders ontvang sertifikate vir hul deelname.
Hierdie is ‘n wonderlike geleentheid om jou voordragvaardighede te ontwikkel en selfvertroue te kry voor ‘n gehoor. Moenie hierdie kans misloop nie – skryf in en wys jou talent!
Skryf vandag in en laat jou stem hoor!
Gedig Voordrag
Gr. R – 12:
Hierdie is ‘n skatkis van self-uitdrukking, ‘n platform waar die mag van woorde en die betowerende klank van stemme op ‘n unieke manier saamkom. Ons moedig elke Nukleus leerder aan om deel te neem aan hierdie opwindende reis van voordragkuns
Keuse van Gedig:
Leerders mag een van drie gedigte kies – lys sal vooraf aan almal ge-epos word.
Voordragstyl:
Maak die woorde jou eie. Laat jou taal ‘n klankgolf van emosie wees.
Beoordeling:
Leerders word beoordeel op passie, stemgebruik, en die vermoë om die gehoor te boei.
Inskrywingsprosedure:
Skryf in vir die Voordrag deur die skakel hieronder te gebruik.
Beoordeling en Bekendmaking:
‘n Eksklusiewe paneel van beoordelaars sal die voordragte evalueer, en die wenner(s) word op 23 Mei 2024 bekendgemaak.
Die Voordrag sal op 4 Mei 2024 oor Zoom plaasvind. Leerders wat vir die Voordrag inskryf sal die skakel, asook Voordrag skedule per epos ontvang.
3 April – Inskrywings open
29 April – Inskrywings sluit
4 Mei – Dag van voordrag (oor Zoom)
23 Mei – Wenners aangekondig
LW: Net geregistreede Nukleus Leerders mag hieraan deelneem.
Laai die gedigte af
2025 Kwartaal 3 Kompetisies
Neem Deel aan die Nukleus Onderwys Kunskompetisie!
Is jy lief vir kuns en kreatiwiteit? Dan is hierdie kompetisie vir jou! Nukleus Onderwys nooi alle Graad R – 3 leerders uit om aan ons opwindende kunskompetisie deel te neem. Dit is jou kans om jou kunsvaardighede ten toon te stel en ‘n lekker kunsprys te wen!
Belangrike Datums:
- Inskrywings open: 15 Julie 2025
- Inskrywings sluit: 4 Augustus 2025
Wat moet ek doen? Leerders moet ‘n unieke en kreatiewe voorblad vir hul Afrikaans skrif ontwerp. Gebruik jou verbeelding en wys ons hoe talentvol jy is!
Belangrike Dinge om te Onthou:
- Jy mag verf, potlode, pastelle, glitter, blare, blomme of tydskrifuitknipsels gebruik.
- Digitale mediums word nie toegelaat nie – jy mag dus nie jou voorblad op ‘n rekenaar of tablet ontwerp nie.
- Bonuspunte word toegeken as Nukleus se naam of logo op jou voorblad verskyn.
Pryswenner: Die wenner ontvang ‘n spesiale kunsprys, en ons sien uit na al die pragtige inskrywings!
Moenie hierdie geleentheid misloop nie – haal jou kreatiwiteit uit en skep iets besonders!
Inskrywings open 15 Julie 2025
Hou hierdie spasie dop
Ons sien uit daarna om in Kwartaal 3 ons jaarlikse redenaarskompetisie aan te bied! Hierdie kompetisie is oop vir alle leerders in Graad 7 – 9 en bied ‘n wonderlike geleentheid om hul redenaarsvaardighede te slyp.
Belangrike datums:
- Inskrywings open: 5 Mei 2025
- Inskrywings sluit: 23 Junie 2025
- Redenaarskompetisie: 16 Augustus 2025
- Toespraakwerkswinkel (Graad 7 – 12): 19 Julie 2025
Tema vir 2025: Idiome
Leerders sal ‘n lys van idiome ontvang en kan een kies as tema vir hul toespraak. Dit is ‘n wonderlike kans om kreatief te wees en unieke interpretasies van bekende idiome te verken.
Hulp en Voorbereiding:
Om leerders te ondersteun, sal daar in die begin van die derde kwartaal een of twee Zoom-sessies wees waar Juffrou Deidre leiding sal gee oor die skryf en aanbieding van hul toesprake.
Ons moedig alle leerders aan om ook ons Toespraakwerkswinkel op 19 Julie by te woon. Hierdie werkswinkel is oop vir Graad 7 – 12 leerders en sal waardevolle wenke en tegnieke bied om ‘n selfversekerde en impakvolle spreker te word.
Bly op hoogte vir verdere besonderhede – ons sien daarna uit om julle redenaars in aksie te sien!
Inskrywings open 5 Mei 2025
Hou hierdie spasie dop
2024 Spelfees Kompetisie Wenners!
Nukleus Spelfees 2025
Ons nooi al ons Graad 1 – 6 leerders uit om deel te neem aan ons jaarlikse Spelfees! Hierdie opwindende spellingkompetisie bied leerders die kans om hul taalvaardighede te verbeter en selfvertroue op te bou.
Belangrike datums:
- Inskrywings open: 1 September 2025
- Inskrywings sluit: 26 September 2025
- Graad 1 – 3: 11 Oktober 2025
- Graad 4 – 6: 18 Oktober 2025
- Spellyste beskikbaar vanaf: Kwartaal 3
Die kompetisie sal, soos verlede jaar, aanlyn via Zoom plaasvind. Leerders sal vroegtydig hul spel lyste ontvang sodat hulle voldoende tyd het om te oefen en voor te berei vir die uitdaging.
Ons sien daarna uit om ons jong spellers in aksie te sien! Berei voor, oefen hard en kom wys jou spellingvernuf!
