Nukleus Onderwys

Menu
Skryf In

ASEM UITDAGINGS

2025

Nukleus Asem Uitslae

KYK DIE HOOGTEPUNTE VAN DIE 2025 UITDAGING HIERDONDER

KYK DIE VIDEO VIR INSTRUKSIES

Dae
Ure
Minute
Sekondes
Laai die aansoekvorm & instruksies af

Stuur jou inskrywingsvorm saam met jou video na admin@nukleusonderwys.co.za

‘n Diens soos wetransfer kan gebruik word indien jou video te groot vir epos is.

Speel, Lag en Beweeg met die Nukleus Familie & Vriende Fiksheid Speletjie! 

By Nukleus Asem glo ons dat fiksheid pret moet wees – en wat is lekkerder as om dit saam met familie en vriende te doen? Hierdie kwartaal nooi ons julle uit om deel te neem aan ons Familie & Vriende Fiksheid Speletjie, gebaseer op die bekende Slangetjies en Leertjies!

Hoe werk dit?

1️. Leerders ontvang ‘n fiksheidsbord met slangetjies en leertjies daarop.
2️. Gebruik ‘n dobbelsteen om te bepaal hoeveel blokkies jy beweeg. (As jy nie ‘n dobbelsteen het nie, laai ‘n toep soos Dice Roll! af of gebruik speletjieskaarte – haal net die kaarte bo 6 uit.)
3. Voltooi die oefening waarop jy land – dit kan enigiets wees van hurkspronge tot muurhurke!
4️. Pasop vir die slangetjies! Hulle sal jou laat terugsak… maar die leertjies help jou vinniger vorentoe.
5️. Die doel is om so vinnig as moontlik die Einde te bereik – terwyl jy lekker beweeg!

Wanneer kan ons speel?

Speel die speletjie reg deur die kwartaal – of dit nou ‘n eenmalige uitdaging is of ‘n weeklikse gesinsaktiwiteit.

Deel julle pret!

Ons wil sien hoe julle speel! Neem foto’s of kort video’s terwyl julle die speletjie speel en tag Nukleus Onderwys op Facebook. Wie weet – dalk verskyn jou gesin se fiksheidsmoment op ons blad!

Kry jou speletjie-bord en laat die pret begin!

Laai die kalender af353 KB
Laai die bordspeletjie af153 KB

Hou hierdie spasie dop: Nukleus Pretdraf 2025!

Een van die dae is dit weer tyd vir een van ons gunsteling geleenthede van die jaar — die jaarlikse Nukleus Pretdraf! Hierdie keer maak ons dit groter en beter, en ons wil hê elkeen moet deel wees van die pret.

Of jy nou in Gauteng, die Wes-Kaap, Limpopo of selfs van jou vakansiebestemming af deelneem — jy gaan kan hardloop saam met ons! Hierdie jaar open ons die pretdraf vir alle Nukleus-leerders regoor die land via Strava. Dit beteken jy kan jou kilometers, fotos en vordering op ‘n lekker interaktiewe manier deel en meemaak hoe ons hele Nukleus-familie aan hierdie spesiale uitdaging deelneem.

Ons deel binnekort meer besonderhede en die presiese datums — so hou hierdie spasie dop en maak seker jy volg ons op al ons platforms.

👟 Trek jou tekkies aan.
👟Kry jou Strava-profiel reg.
👟En maak jou gereed vir groot pret, groot energie en om deel te wees van iets besonders!

Meer inligting volg binnekort!

Laai die kalender af353 KB

Toetse, Eksamens en Assessering

Assesseringstake sluit naslaanwerk, gevallestudies, dataverwerking en toetse of eksamens op ‘n deurlopende basis in.

Die Nukleus-kursus vir graad R tot 11 strek jaarliks oor vier modules (graad 12 bestaan slegs uit 3 modules) en eksamens word jaarliks gedurende Junie en November afgelê. Alle interne eksamens word tuis onder toesig van ‘n onafhanklike party afgelê. Hierdie onafhanklike persoon moet ‘n onderneming teken waarvolgens hy/sy die toetse en eksamen sal ontvang en dat hy/sy die antwoordstelle direk aan Nukleus sal pos.

Benewens die eksamen, voltooi leerders assesseringstake op ‘n deurlopende basis. Sperdatums vir die inhandiging van assesseringstake sal streng nagevolg word en alle werk moet op die gegewe sperdatums reeds by die Nukleus kantoor wees. Die Nukleus kantoor sal hierdie sperdatums betyds aan alle leerders deurgee. Indien alle assesseringstake en eksamens nie betyds die Nukleus kantoor bereik nie, sal die leerder nie ‘n Nukleus rapport of evalueringsverslag ontvang nie.

Vakontwikkeling

Vakontwikkeling vind op ‘n deurlopende basis plaas ten einde gehalte materiaal te voorsien en ‘n hoë standaard te waarborg.

Vakonderwysers doen voortdurende opgradering van lesmateriaal en eksamens word op ‘n jaarlikse basis hernu

KLIK HIER VIR ONS PRYSE

Die Module Konsep

Die akademiese jaar (graad R tot 11) is in 4 modules opgedeel en graad 12 slegs in 3 modules. Elke module is dan verder in lesse per kwartaal opgedeel wat saamval met die skoolkwartale.

Leerders werk dan per module en ontvang die toepaslike lesmateriaal.

Studie- en Ouergids

Nukleus werk hard aan die opgradering van materiaal om hoë standaarde te handhaaf. Elke les begin deur vir die ouer te verduidelik wat hy/sy nodig het om die les aan te bied. Die ouer word dus gehelp om korrek voor te berei vir elke les. Die leeruitkomste van elke spesifieke les moet aan die ouer verduidelik word om sodoende die ouer in staat te stel om klem te lê op wat belangrik is.

Memorandums op aktiwiteite in die lesmateriaal moet bestaan uit antwoorde wat stapsgewys verduidelik en puntsgewys uiteengesit word, sodat ouers sal weet waarna om op te let en hoe om punte toe te ken.

Die ouer se hande moet hierdeur losgemaak word deur die werkskemas, memorandums en bronmateriaal aan hulle te verskaf.

Lesmateriaal

Nukleus lewer kindervriendelike lesse wat deur ‘n span ervare onderwyskundiges saamgestel is. Dit staan die ervare onderwyser se plek vol en dien as kragtige hulpmiddel vir onderwysers, ouers en bystandsentrums. Elke les is so geskryf dat aandag aan al Nukleus se onderwys– en opvoedkundige doelwitte gegee word. 

Lesmateriaal word per module volgens die aantal weke per kwartaal ingedeel.