Nukleus Onderwys

KULTUUR WERKSWINKEL

✍ Kreatiewe Skryfwerk Werkswinkels 2025

Hierdie jaar bied ons met trots ‘n reeks kreatiewe skryfwerk werkswinkels aan, spesiaal ontwerp om ons leerders te help om hul skryfvaardighede te verbeter en selfvertroue in hul taalvaardigheid op te bou. Onder leiding van twee van ons passievolle en ervare onderwysers, bied hierdie werkswinkels praktiese leiding en waardevolle wenke vir alle vlakke van skrywers, van beginner tot gevorderd.

Wat om te verwag:

Ons werkswinkels fokus op spesifieke skryftemas en tegnieke om leerders te help om selfversekerd en doelgerig te skryf:

Graad 4-6:

  • Leer hoe om formele en informele briewe te skryf. Ons dek basiese formaat, die gebruik van gepaste taal, en hoe om jou idees duidelik uit te druk.
  • 31 Januarie 2025 | 15:00
  • Inskrywings sluit 28 Januarie 2025

Graad 7-9:

  • Ontwikkel jou opstel-skryfvaardighede! Hierdie sessies fokus op die struktuur van opstelle, hoe om idees effektief te organiseer, en hoe om kreatiewe flair by jou skryfwerk te voeg.
  • 31 Januarie 2025 | 15:00
  • Inskrywings sluit 28 Januarie 2025

Graad 10-12:

  • Ontwikkel jou opstel-skryfvaardighede! Hierdie sessies fokus op die struktuur van opstelle, hoe om idees effektief te organiseer, en hoe om kreatiewe flair by jou skryfwerk te voeg.
  • 7 Februarie 2025 | 15:00
  • Inskrywings sluit 28 Januarie 2025

Hoekom moet jy deelneem?

  • Verbeter jou skryfvaardighede in ‘n ondersteunende en prettige omgewing.
  • Ontvang waardevolle terugvoer en wenke van ons onderwysers.
  • Bou selfvertroue in jou vermoë om suksesvol formele en kreatiewe skryftake aan te pak.

Hoe om in te skryf:

  • Voltooi die aanlynvorm hieronder om in te skryf.

Ons sien daarna uit om jou kreatiewe skryfvermoëns te ontdek en te ontwikkel!

Hierdie werkswinkel is reeds gesluit.

Hou ons webtuiste dop vir meer werksinkels.

Toetse, Eksamens en Assessering

Assesseringstake sluit naslaanwerk, gevallestudies, dataverwerking en toetse of eksamens op ‘n deurlopende basis in.

Die Nukleus-kursus vir graad R tot 11 strek jaarliks oor vier modules (graad 12 bestaan slegs uit 3 modules) en eksamens word jaarliks gedurende Junie en November afgelê. Alle interne eksamens word tuis onder toesig van ‘n onafhanklike party afgelê. Hierdie onafhanklike persoon moet ‘n onderneming teken waarvolgens hy/sy die toetse en eksamen sal ontvang en dat hy/sy die antwoordstelle direk aan Nukleus sal pos.

Benewens die eksamen, voltooi leerders assesseringstake op ‘n deurlopende basis. Sperdatums vir die inhandiging van assesseringstake sal streng nagevolg word en alle werk moet op die gegewe sperdatums reeds by die Nukleus kantoor wees. Die Nukleus kantoor sal hierdie sperdatums betyds aan alle leerders deurgee. Indien alle assesseringstake en eksamens nie betyds die Nukleus kantoor bereik nie, sal die leerder nie ‘n Nukleus rapport of evalueringsverslag ontvang nie.

Vakontwikkeling

Vakontwikkeling vind op ‘n deurlopende basis plaas ten einde gehalte materiaal te voorsien en ‘n hoë standaard te waarborg.

Vakonderwysers doen voortdurende opgradering van lesmateriaal en eksamens word op ‘n jaarlikse basis hernu

Die Module Konsep

Die akademiese jaar (graad R tot 11) is in 4 modules opgedeel en graad 12 slegs in 3 modules. Elke module is dan verder in lesse per kwartaal opgedeel wat saamval met die skoolkwartale.

Leerders werk dan per module en ontvang die toepaslike lesmateriaal.

Studie- en Ouergids

Nukleus werk hard aan die opgradering van materiaal om hoë standaarde te handhaaf. Elke les begin deur vir die ouer te verduidelik wat hy/sy nodig het om die les aan te bied. Die ouer word dus gehelp om korrek voor te berei vir elke les. Die leeruitkomste van elke spesifieke les moet aan die ouer verduidelik word om sodoende die ouer in staat te stel om klem te lê op wat belangrik is.

Memorandums op aktiwiteite in die lesmateriaal moet bestaan uit antwoorde wat stapsgewys verduidelik en puntsgewys uiteengesit word, sodat ouers sal weet waarna om op te let en hoe om punte toe te ken.

Die ouer se hande moet hierdeur losgemaak word deur die werkskemas, memorandums en bronmateriaal aan hulle te verskaf.

Lesmateriaal

Nukleus lewer kindervriendelike lesse wat deur ‘n span ervare onderwyskundiges saamgestel is. Dit staan die ervare onderwyser se plek vol en dien as kragtige hulpmiddel vir onderwysers, ouers en bystandsentrums. Elke les is so geskryf dat aandag aan al Nukleus se onderwys– en opvoedkundige doelwitte gegee word. 

Lesmateriaal word per module volgens die aantal weke per kwartaal ingedeel.