Nukleus Onderwys

Menu
Skryf In

ENTREPRENEUR KLUB

Nukleus Onderwys is daartoe verbind om leerders op alle gebiede te ontwikkel.

Baie van ons leerders is alreeds suksesvolle entrepreneurs en dan is daar baie leerders wat hul eie klein besigheid wil begin, maar onseker is hoe om dit te doen.

Die doel van Nukleus Entrepreneurs is om ons jong entrepreneurs van vroeg af te bemagtig en te ontwikkel.

 

 

In kwartaal 1 gaan die dinamiese entrepreneur Albert van Wyk ons leerders motiveer en hulle ook uitnooi om aan sy “Maak my ‘n entrepreneur”-kompetisie deel te neem.

Albert van Wyk se praatjie is 22 Januarie 2024 – verdere inligting sal later gestuur word.

Gedurende kwartaal 2 gaan Nukleus se entrepreneurs kans kry om hul besighede bekend te stel en selfs te adverteer op Nukleus se FB blad, asook onder nukleus leerders.

Vir kwartaal 3 beplan ons ‘n “werkswinkel” wat ons jong entrepreneurs kan help met die beplanning van hul finansies.

Nukleus bied ook deur die loop van die jaar sy eie Entrepreneur kompetisie.

Die wenners van ons kompetisie sal gedurende kwartaal 4 aangekondig word.

Daar word van elke entrepreneur verwag om kwartaalliks ‘n verslag oor sy/haar besigheid vir hierdie kompetisie in te dien.

Ons kinders is die volgende generasie se leiers – hulle moet hoop skep deur alreeds van jongs af te werk aan nog ‘n blinker toekoms!

Skryf nou vir die Nukleus Entrepreneur Klub in!

Leerder se inligting:

Ouer se inligting:

Toetse, Eksamens en Assessering

Assesseringstake sluit naslaanwerk, gevallestudies, dataverwerking en toetse of eksamens op ‘n deurlopende basis in.

Die Nukleus-kursus vir graad R tot 11 strek jaarliks oor vier modules (graad 12 bestaan slegs uit 3 modules) en eksamens word jaarliks gedurende Junie en November afgelê. Alle interne eksamens word tuis onder toesig van ‘n onafhanklike party afgelê. Hierdie onafhanklike persoon moet ‘n onderneming teken waarvolgens hy/sy die toetse en eksamen sal ontvang en dat hy/sy die antwoordstelle direk aan Nukleus sal pos.

Benewens die eksamen, voltooi leerders assesseringstake op ‘n deurlopende basis. Sperdatums vir die inhandiging van assesseringstake sal streng nagevolg word en alle werk moet op die gegewe sperdatums reeds by die Nukleus kantoor wees. Die Nukleus kantoor sal hierdie sperdatums betyds aan alle leerders deurgee. Indien alle assesseringstake en eksamens nie betyds die Nukleus kantoor bereik nie, sal die leerder nie ‘n Nukleus rapport of evalueringsverslag ontvang nie.

Vakontwikkeling

Vakontwikkeling vind op ‘n deurlopende basis plaas ten einde gehalte materiaal te voorsien en ‘n hoë standaard te waarborg.

Vakonderwysers doen voortdurende opgradering van lesmateriaal en eksamens word op ‘n jaarlikse basis hernu

KLIK HIER VIR ONS PRYSE

Die Module Konsep

Die akademiese jaar (graad R tot 11) is in 4 modules opgedeel en graad 12 slegs in 3 modules. Elke module is dan verder in lesse per kwartaal opgedeel wat saamval met die skoolkwartale.

Leerders werk dan per module en ontvang die toepaslike lesmateriaal.

Studie- en Ouergids

Nukleus werk hard aan die opgradering van materiaal om hoë standaarde te handhaaf. Elke les begin deur vir die ouer te verduidelik wat hy/sy nodig het om die les aan te bied. Die ouer word dus gehelp om korrek voor te berei vir elke les. Die leeruitkomste van elke spesifieke les moet aan die ouer verduidelik word om sodoende die ouer in staat te stel om klem te lê op wat belangrik is.

Memorandums op aktiwiteite in die lesmateriaal moet bestaan uit antwoorde wat stapsgewys verduidelik en puntsgewys uiteengesit word, sodat ouers sal weet waarna om op te let en hoe om punte toe te ken.

Die ouer se hande moet hierdeur losgemaak word deur die werkskemas, memorandums en bronmateriaal aan hulle te verskaf.

Lesmateriaal

Nukleus lewer kindervriendelike lesse wat deur ‘n span ervare onderwyskundiges saamgestel is. Dit staan die ervare onderwyser se plek vol en dien as kragtige hulpmiddel vir onderwysers, ouers en bystandsentrums. Elke les is so geskryf dat aandag aan al Nukleus se onderwys– en opvoedkundige doelwitte gegee word. 

Lesmateriaal word per module volgens die aantal weke per kwartaal ingedeel.